Kisah Sambahyang Baruku

palui-26Salawas umur makin batuha, Palui baubah banar. Sambahyang lima waktu digawinya tarus. Tapi nang ngarannya katuju ka warung tatap kada sing ubahan.

“Rasa lapang hati Mak lah limbah manggawi kawajiban kita,” ujar Palui

“Bujur Lui ai, bahari maka kita pina kuler sambahyang,” sahut Tulamak.

“Itu ngarannya kita dapat hidayah dari Allah,” ujar Garbus manyahuti.

“Dua kali aku sudah mandangar kawal kita ni kaya ustadz, balajar di mana ikam Bus?” Palui hiran.

“Mandangar guru satiap malam Jumahat bayasinan. Cuma aku wayah ini katuju jua mambaca buku agama,” ujar Garbus.

“Amun kaya itu aku handak batakun pang? Aku ni rancak sambahyang kada tapi khusu’, pikiran ka sana ka mari, apalagi limbah malihat babinian, bisa taingat inya wayah sambahyang,” ujar Tulamak

“Ikam kada sah Mak ai, amun sambahyang kaya itu,” ujar Palui tatawa.

“Amun handak khusu’ cuba balajar babacaan lawan tarjamaahnnya, jadi kita tahu maksud dari bacaan nang kita baca,” ujar Garbus manjawab.

“Amun kita ngalih mahapal artinya pang?” ujar Palui.

“Cuba pikiran bulikan bahwa kita mahadap ALLAH, makanya bila sambahyang kita disuruh mata manuju ujung sajadah,” ujar Garbus.

“Kaena ku cubai,” ujar Tulamak.

“Aku bulihlah batakun Bus,” ujar Palui.

“Amun kawa ku jawab, ku jawab…amun kada kawa, baarti ilmuku balum sampai,” ujar Garbus.

“Kalu sambahyang kada baruku kaya apa,” ujarnya.

“Kada sah Lui ai sambahyang kita,” ujar Garbus.

“Tapi rancak Julak Ijul, Abah Rahmat tamasuk Tuhirang sambahyang kada baruku”, ujar Palui.

“Di mana haja Lui ai, amun sambahyang tatinggal rukunya kada sah,” ujar Garbus.

“Aku kada batakun ruku sambahyang, tapi batakun tatinggal ruku. Malah ujar Julak Ijul sambahyang tatinggal ruku tu harat. Sualnya, sambahyang kada bulih sambil maisap ruku,” ujar Palui mangalahakan garbus.

16 Responses to Kisah Sambahyang Baruku

  1. nurdiana says:

    asik, lawas kada mambaca dan mandangar kisah si palui, maklum jauh dari kampung di Banjar. istilah baruku, bisa jadi kisah nang manarik

  2. siBungas says:

    Dimana kampung pian cil?

  3. hahahahaha lucu bener, kangennnnnnn sama kalimantan

  4. m0na says:

    lengo jua si garbus ngntu,wkwk

  5. bonsue says:

    preeeeeet. ::::::
    heee lucu neyyyyyyyyy

  6. abdullah hanif says:

    Walau telah lama meninggalkan Banjarmasin tetapi baru kemaren rasanya apaagi kalau baca kisah si Palui….wooow menyenangkan

  7. ANWAR says:

    lawas kd mambaca kisah si palui nang lucu ini ,…habis d perantauan kadada koran banjar

  8. zainab says:

    kira garbus tadi rukuk sembahyang sakalinya maisap rokok

  9. nour ajram says:

    ahhaahahaha luccccccccccccccccccccccccccuuuuuuuuuuuuuuuuuuuut tatawa mmbaca

  10. isai says:

    palui harat mahalabiu

  11. hadi says:

    Paman ,,ulun izin copas lah k kkwanan di facebook wam bbm ,,he
    Boleh ae kalo Man ??

  12. Muhammad Basuni Al Banjari says:

    Aku sangat mendukung lawan BPos yang menghadirkan cerita si palui ini

  13. Lasiah susanti says:

    Aku harap BPost jua bisa memuat penyalah gunaan dana hasil bapintaan di jalan yg manggunakan nama masjid sudah setahun lebih mesjidnya belum di bungkar jua dangar habar kada ada dananya lagi padahal dana itu sudah banyak di tarima dari wakaf dan sumbangan para supir,

    kepada BPost tolong di muat kejadian ini di Hulu Sungai Tengah

  14. utuh retak says:

    wkkk wkkk wkk,,
    Taliur ulun ttwa nh,, hampai mangaluar bnayu mata,,

Leave a Reply

Your email address will not be published. Required fields are marked *

Time limit is exhausted. Please reload CAPTCHA.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>