Kisah Kahilangan Mata

sipalui-98Mama Amat , bini si Palui kahimungan banar malihat lakinya bagawi di parusahaan tambang ,andaknya di banua ini jua. Tiap bulan kada kurang mangirimi bini duit tangah dua juta.

Ambil duit di ATM sudah aku kirim umanya Amat ai? Jar Palui ka anu bininya.

Barapa ,Abahnya?

Lima ratus ribu haja dahulu?

“Cukuplah sa itu? Mana bayar karidit rumah, karidit sapida mutur,” sahut nang bini takurasam.

“Basabar ai Mama Amat ai, aku ini ampih sudah bagawi ditambang, wayah ini aku kahilangan mata…,” jar Palui manutup ka HP nya.

“Jadi picaklah pian, oh abahnya… napa mata pian , jadi picaklah… hem…hem ..” bini Palui manangis bapander lewat HP.

Ka isukan harinya bini Palui wan mambawa parasaan galau tulak ba ujek ka lukasi gawian Palui. Tapi am balum sampai di lukasi, sakalinya Palui manyasahi ,mandapati bininya wan Garbus.

“Bamandak Bus, napa ikam handak ka mana?” Palui manyatup bakacamata hirang.

“Nah, Abahnya Amatlah, ini kada pinandu ulun tadi. Bujurkah pian kahilangan mata alias mata pian picak?” jar nang bini bahimat batakun.

“Kaya ini nah, Mama Amat wan Garbus ai, samantara parusahaan tutup kada baparuduksi, aku kahilangan mata pancaharian nang ganal kulihan saban bulannya. Bulik ka kampung asa supan bakas bagawi di parusahaan. Jadi aku umpat ma ujek wan bubuhan kakawanan di daerah sini. Jadi lima ratus haja kawa mangirimi duit, ampih tabanyak dahulu,” jar Palui.

“Oh kaya itukah, hanyar ulun paham, wan rasa nyaman hati ulun malihat pian kada putus asa tatap ba usaha haja,” jar nang bini hanyar lihum.

“Ayuha Bus ai ikam bulik badahulu, kaina aku maantar biniku isuk haja, bamalam di sini dahulu samalaman,” jar Palui, mangalahakan Garbus nangbulik saurangan.

Leave a Reply

Your email address will not be published. Required fields are marked *

Time limit is exhausted. Please reload CAPTCHA.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>