Kisah Hanyar Satu

palui-06Ada lapuran urang tuha murid di sakulahan Palui sakalinya banyak murid dipalak ulih kakak kelasnya. Sahari bahanu ampat ribu, lima ribu, dipalak kakak kelasnya, kalu dikumpulakan jadi banyak haja.

”Kepada para murid nang marasa dipalak agar melapur ke bapak langsung, kalunya supan bisa ma sms numur bapak,” ucap kapala sakulah waktu jadi pembina upacara.

Tuntung upacara, kemudian nang diduga mamalak berdasarkan lapuran para murid,dipanggil ulih kapala sakulah.

“Napa bujurankah Utuh Buntat ikam mamalak binian banyak?” takun kapala sakulah.

“Bujur pak ai?” sahut Utuh Buntat jujur banar inya.

“Apa ikam jadi kaya itu Utuh,” Palui jua umpat maintrogasi karana inya sebagai wali kelasnya.

“Kanapa Lui anak murid ikam jadi kaya ini kalakuannya?” takun Garbus, paman sakulahan.

“Ulun gasan manukar pil Jin?” sahut Utuh Buntat pina kada supan.

“Kalu kaya itu ikam kami ampihi Tuh ai, titik. Kadada ampun lagi ikam!” kapala sakulah habang muha, sidin langsung memerintahkan diampihi.

Kapala sakulah manjurung numur hapi ka wali kelas masing-masing sambil bapasan kepada murid.

”Para murid silahkan mencatat numur hapi bapak kapala,” ujar sidin bapasan numurnya 020042443. Padahi murid Lui lah, kepada murid binian, jangan ma sms nang marayu, kena ada aku babini anum.Hanyar satu bini,mudahan ada razaki kena bisa ai babini dua,” ujar kapala tatawaan buhan guru wan murid.

Limbah dibari numur ulih kapala sakulah, sakalinya banyak sms nang masuk, dari urang tuha murid. Macam-macam ai tulisan sms nya. Pada intinya supaya buhan guru jangan mangajar haja, tapi jua mandidik dengan hati, supaya murid nang panyarikan ampih inya panyarikan. Murid nang kada panyambahyang ,bila dididik dengan tulus, rajin inya sambahyang.

Ada urang tuha murid nang datang ka sakulahan ngarannya Isna Sovia, urang tuha dari Fajar kalas 9.

”Ulun handak curhat wan pian,Pak ai,” ujar Isna ka kapala sakulah.

“Tentang Fajar kah?” sahut kapala manangguh.

“Kaya apa supaya Fajar ampih bapacaran,” jawab umanya nang sudah dua tahun jadi janda.

Fajarnya dipanggil ulih Palui ka ruangan kapala sakulah.

”Ampih Fajar lah, ikam bapacaran, apalagi biniannya itu tuha pada ikam,” tagur kapala sakulah ka Fajar.

“Lalu pang kaya apa ulun? Inya hakun haja mahadangi ulun sampai tamat SMA kena…,” jawab Fajar lancar.

“Oh damintukah Fajar,” sahut sidin.

“Menurut ulun, supaya jangan kalah jua, pian babini wan mama Fajar haja pak ai,” saran Palui sakalinya.

“Ha !!!” takajut kapala sakulah.

Manunduk umanya Fajar.”Tasarah bapak kapala haja ulun?” sahut mama Fajar , lihum Palui, kapala sakulah wan Fajar saling bertatapan, selanjutnya terserah pembaca?

Leave a Reply

Your email address will not be published. Required fields are marked *

Time limit is exhausted. Please reload CAPTCHA.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>